Iasgairean Ghalile

Iasgairean Ghalile

early 1900s

frances.wilkins

Gaelic

Words

882

Gallilee Fishermen

03/09/2024

TEXT

72

Faic an còmhlan air bòrd sa bhàt’, A’ dol a dh’iasgach mun ciar an tràth; A’ dol mun cuairt anns a’ mhuir bha buailteach, ‘S e fàth an smuaintean nach d’fhuair iad càil. Gu robh iad cianail gun Chrìosd air bòrd; Cha d’fhuair iad sgeul air, ‘s e lìon am bròn. Bha ‘n còmhradh àbhaist am measg nam bràithrean: “Am faic gu bràth E, no bheil E beò?” An uair a ràinig am bàta tìr, Le saothair oidhche ‘s an ceann cho sgìth, An sin bha grìosach le min is iasg oirr’ Is cuireadh fialaidh do luchd na luing. Bha ‘n Tì a bhàsaich an àit’ an t-sluaigh, ‘S a chaidh a cheusadh, air èirigh suas, On d’fhuair iad fàilte – “A chlann ‘s a bhràithrean!” – Na sheasamh làimh riu air tràigh nan stuagh. Dh’aithnich iad gum b’e siud an Rìgh, Len tric a ghluais iad, air uairean sgìth, Gu tric na chòmhradh aig biadh is bòrd leis – Bha bhriathran glòrmhor a’ tighinn nan cuimhn’.