Caraid is Dluthaidh na Brathair

Caraid is Dluthaidh na Brathair

frances.wilkins

Gaelic

Words

261

22/08/2024

TEXT

31

Nach mithich dhomh bhi tòiseachadh, ‘S ag cantuinn òran, ùr, Mu’n Ti rinn fhuil [?] a dhòrtadh ‘S a’ ghlòir a bha ‘na ghnùis; ‘S e ‘n caraid e a bh’fhearr dhomh, Na càch ‘s na h-uile cùis ‘S e ‘s dlùthaidh lean na bràthair, ‘S e làidr air mo chùl. Cha d’fuair mi comhairle pàrant, Is bràithrean cha robh ann, No neach ghabh cùram tràth dhiom; Chaidh m’fhàgail anns a’ ghleann; ‘S ged bha mi measg mo chàirdean Cha b’àbhaist dhoibh bhi cainnt Air ni ‘n taobh thall de’n bhàs, Dheanadh stàth dhomh aig a cheann. Ach bha do spiorad strith rium, ‘S bha diteadh annam fèin; ‘S chuir sud mi dh’ ionnsaidh Bhiobuill, A dheanamh sith is rèit; Chuir sud mi dh’ ùrnuigh ‘n uaigneas, ‘S mi buachailleachd na treud; ‘S bhiodh m’inntinn tighinn fo bhuaireas Is uamhasan ro gheur. Ach thuitinn ‘sa mhi-chùram, Is mhùchainn Spiorad Dhè; ‘S mar neul na maiden shiùbhladh Gach dùsgadh bh’ annam fèin; ‘Nuair thachrainn ris an t-sluagh, Bhiodh cur suarach nithibh Dhè Labhrainn agus ghluaisinn, Do rèir an gluasaid fèin. ‘S nuair rinn mi’n seachran àicheadh, ‘S na ghàthan bha gun fheum, Dh’fhuaraich gràdh mo chàirdean, Is clan mo mhàthar thrèig; Is bhiodh na naoimh toirt tàir dhomh, ‘Nuair dh’ fhàilinneadh mo cheum; Ach gheibhinn-sa do làthaireachd, ‘S tu b’ fhearr na iad go lèir. Mo charaid thu! Na fàg mi, ‘San fhàsach stiur mo cheum; Thoir neart do rèir la là dhomh, Na fàg-sa mi ‘s na trèig; ‘S an uair nit inn mo bhualadh, ‘S nach dean an sluagh dhomh feum; Dean thus’ mo leabaidh suaimhneach, Ag cluinntinn luaidh ort fèin.